Toshkent Tibbiyot Akademiyasi tibbiy-profilaktika va jamoat salomatligi fakul’teti, epidemiologiya kafedrasi va talabalar tomonidan Mustaqillik bayramiga bag’ishlangan tadbir o’tkazildi.
Mustaqilligimizning 32 yilligiga bag‘ishlangan ma’naviyat soatini kafedra mudiri, professor Karimov M.Sh. ochib berdilar. Dastlab talabalarni mustakillik bayrami bilan tabriklab, o‘qishlarida omadlar tiladilar, mamlakatimiz 32 yil davomida qo‘lga kiritilgan ulkan ishlarga to‘xtalib o‘tdilar. So‘ngra katta o‘qituvchi Xudayberganova N.X. ma’ruzasini o‘qib eshittirdi.
Jonajon Vatanimiz – O‘zbekistonimiz milliy taraqqiyotining yangi bosqichiga qadam qo‘yib, barcha soha va tarmoqlarda demokratik yangilanish jarayonlari amalga oshirilayotgan bugungi kunda biz uchun bebaho ne’mat bo‘lgan mustaqillikning qadr-qimmati va ahamiyati tobora ortib bormoqda. Erkin va farovon hayotimizni, buyuk kelajagimizni faqat mustaqillik asosida qurishimiz, odamlarimiz, el-yurtimizni faqat mustaqil siyosat asosida rozi qilishimiz mumkin.
